4 қыркүйек күні Ақтау қаласы 5 «А» шағын ауданы «Сказка» аттракциондар паркі аумағындағы карусель жақын жерде тұрған «Газель» көлігімен соқтығысты, деп хабарлайды El.kz интернет порталы.

Оқиға салдарынан балалар зардап шегіп, түрлі жарақаттарымен ауруханға жеткізілді. Полиция қызметкерлері аталған оқиға бойынша Қылмыстық кодекстің «Ғимараттарды, құрылыстарды немесе көлік құралдарын пайдалану кезінде қауіпсіздік талаптарын бұзу» бабы бойынша қылмыстық іс қозғады.

Қала әкімдігі полиция қызметкерлерімен бірігіп аттракцион паркінің әкімші мен қызметкерлеріне түсіндіру жұмыстарын жүргізді. Нәтижесінде, аттракцион параметрлерін өзгерту бойынша тапсырма берілді: орын алған жағдайдан қорытынды шығара отырып, қоршаулардың биіктігін арттыру және автокөліктердің аттракцион аумағына кіру мүмкіндігін болдырмау. 

Сонымен қатар, полиция қызметкерлері оқиға орнына келіп, хаттама толтырды. Анықталған кемшіліктер жойылғанша және тексеру аяқталғанға дейін аттракцион жұмыс істемейді.