Ақтауда жас жігіт хиджаб киген қызды зорламақ болған

Ақтауда хиджабтағы қызды зорламақ болды деген күдікпен жас жігіт ұсталды, деп хабарлайды El.kz ақпарат агенттігі.

Әлеуметтік желілерде Ақтаудағы жағалауда түсірілген видео тарады, онда автор жас жігіттің хиджабтағы қызды зорламақ болғанын айтады.

Куәгерлердің сөзінше, оқиға кешкі уақытта болған, бірақ нақты күні белгісіз. Көмекке шақырған дауысты естіген адамдар оқиға орнына жүгіріп барып, күдіктіні ұстап, полицияға тапсырған.

Маңғыстау облысы ПД бұл жайтқа қатысты қылмыстық іс қозғалғанын мәлімдеді.

Күдікті тергеу изоляторына қамалған. Тергеу аяқталып, іс айыптау қорытындысымен бірге прокуратура арқылы сотқа жіберілді.