Ақтауда екі жеткіншекті көлік қағып кетті, деп хабарлайды El.kz ақпарат агенттігі.

Үш оқушы жаяу жүргінші жолағы арқылы жолдан өтпек болған. Алайда қатты жылдамдықпен келген автокөлік алдында келе жатқан екі баланы қағып өткен. 11 және 12 жастағы жасөспірімдер жедел ауруханаға жеткізілді. Қылмыстық іс қозғалды.

Науқаста бас ми жарақаты, бірінші сатыдағы қарыншаішілік қан кету және бет пен дене сүйектерінің сынықтары бар. Жағдайы ауыр. Бір бала ес-түссіз күйде, комада, жансақтау бөлімінде жатыр, - дейді дәрігер.