25 қыркүйек пен 25 қазан аралығында республика бойынша «Береке Fest» акциясы өтіп жатыр. Акцияға Ақтау қаласындағы ірі сауда желілері қатысады, деп хабарлайды El.kz интернет порталы otpannews.kz-ке сілтеме жасап.

Акцияда сауда желілерінде арнайы «Береке Fest» аймақтары ұйымдастырылып, отандық тауарлар нарықтық бағадан 5-10% жеңілдікпен сатылады. Акциялық ұсыныстардың ассортименті әлеуметтік маңызы бар азық-түлік тауарларын қамтиды. 

«Береке Fest» акциясының мақсаты – отандық өнімдерді ілгерілету, сауда желілері мен жергілікті жеткізушілер арасындағы тұрақты кооперацияны дамыту. Сонымен қатар, акция ішкі сұранысты ынталандыруға және елдің азық-түлік қауіпсіздігін нығайтуға ықпал етеді, - дейді Сауда комитетінің өкілдері.