АҚШ Ішкі қауіпсіздік министрлігі шетелдік студенттердің елде болу мерзімін шектеуді жоспарлап отырғанын хабарлады. Бұған дейін студенттер білім алу кезеңі толық аяқталғанша елде қала алатын, деп хабарлайды El.kz интернет порталы.

Министрлік өкілі:

Бұрынғы әкімшіліктер шетелдік студенттер мен өзге де виза иелеріне АҚШ-та шексіз уақытқа қалуға рұқсат беріп келді. Бұл ұлттық қауіпсіздікке қатер төндірді, салық төлеушілердің есебінен орасан шығынға алып келді және АҚШ азаматтарын қолайсыз жағдайға қойды, – деп мәлімдеді.

1978 жылдан бері шетелдік студенттер оқу мерзімі аяқталғанша АҚШ-та жүре беретін. Ал жаңа ереже олардың елде болуын оқу бағдарламасының ұзақтығымен шектейді, бірақ ол төрт жылдан аспауы тиіс.

Бұған дейін АҚШ-тың Кедендік-бақылау қызметі елден алғашқы украиналық босқындарды депортациялағанын хабарлаған еді.