Ақмола облысы Егіндікөл ауданы Бауманская ауылында жеңіл көлік өртенді. Оқиға 30 маусым күні сағат түнгі 00.12-де болған, деп хабарлайды El.kz ақпарат агенттігі.
Облыстық ТЖД мәліметінше, тұрғын үй ауласында тұрған көлік пен гараж өртенген. Қызыл жалын шаруашылық құрылыс нысанына өткен. Өрт шарпыған аумақ - 70 шаршы метр.
Өрт сөндірушілер қызыл жалынды дер кезінде сөндіріп үлгерген. Қайтыс болғандар мен зардап шеккендер жоқ.
Мамандар өрттің шығу себебін анықтап жатыр.