Ақмола облысында маусымаралық кезеңде көкөніс өнімдерінің бағасы форвардтық қаржыландыру тетіктері мен револьверлік схема арқылы төмендетілді, деп хабарлайды El.kz ақпарат агенттігі.
«КӨКШЕ» әлеуметтік-кәсіпкерлік корпорациясы» акционерлік қоғамы ірі шаруа қожалықтарымен келісім-шартқа отырды, олар қазір дүкендерге өнімдерді бекітілген бағамен тікелей жеткізеді. Осылайша, қыста картоп пен сәбіз, пияз мен қырыққабат халыққа қолжетімді болды.
Биыл маусымаралық кезеңде Ақмола облысына 5 мың тоннадан астам көкөніс өнімдерін жеткізуге алдын ала келісім-шарттар жасалды. Өңірде көкөністерді шығару 2024 жылдың ақпан айында басталды.
Негізгі жеткізушілер Ақмола облысының, Солтүстік Қазақстан облысының және Жамбыл облысының ауыл шаруашылығы тауарын өндірушілері болып табылады. Мәселен, «Агротрейд Көкше» ЖШС картоп пен сәбіз жеткізуді қамтамасыз етеді. «Зеренді сақтау өнімдері» кәсіпорны картоппен қамтамасыз етеді. Сонымен қатар, «ПКФ Табыс» серіктестігінің картоп көлемі де бар.
Өнімдер Көкшетау қаласының әртүрлі аудандарында орналасқан «Kokshe Market» төрт әлеуметтік павильонында (Центральный ықшам ауданы, 32; Васильковский ықшам ауданы 29/1; Алтынсарина к., 6; І.Есенберлин к., 3) халыққа сатылып жатыр.
Сондай-ақ, 22 тұрмыстық дүкенде, оның ішінде Ақмола облысының облыс орталықтарында облыстық тұрақтандыру қорының өнімдері бар әлеуметтік сөрелер бар.
«КӨКШЕ» СПК» АҚ өңірлік тұрақтандыру қорының өнімдерін, сондай-ақ форвардтық сатып алу және «айналмалы схема» тетіктері арқылы келісімшартқа отырған әлеуметтік маңызы бар азық-түлік өнімдерін сатуға дайын Ақмола облысының кәсіпкерлерін ынтымақтастыққа шақырады.