Америкалық AFCENT тобы қазақстандық МузАРТ тобының репертуарындағы «Балауса» әнін орындап, жұртты сүйсінтті. Әрі біздің елде емес, Катар астанасы Дохада шырқағаны желі қолданушыларының таңданысын одан сайын арттыра түскен.
americancorner_astana парақшасында жарияланған видео 2 күн ішінде 370 мың қаралым жинады. Басылған лүпіл мен жазылған пікір де аз емес. Ең қызығы – МузАРТ тобының әншісі Сәкен Майғазиевтің осы бейнежазбаның астында пікір қалдырғаны. Ол америкалық топтың өнеріне қошеметін осылай білдірсе керек. Өзге қолданушылар да таңданысын жасырмай, мақтауын аямай жатыр.