Алжирдің Хараш ауданында автобус көпірден өзенге құлап, 18 адам қаза тапты, тағы тоғыз адам жарақат алды, деп хабарлайды El.kz интернет порталы.

Бұл туралы Алжирдің азаматтық қорғаныс қызметі мәлімдеді.

Жолаушылар автобусы жолдан шығып кетіп, әл-Мухаммадия аймағында Эль-Хава әл-Джамиль бағытына қарай қозғалып келе жатып, көпірден өзен арнасына құлады. Салдарынан 18 адам көз жұмды, тағы тоғыз адам жарақат алды, – делінген хабарламада.

Азаматтық қорғаныс дерегінше, жараланғандардың екеуі ауыр халде ауруханаға жеткізілген. Жол-көлік апатының салдарын жоюға 25 жедел жәрдем көлігі, 16 сүңгуір және төрт қайық жұмылдырылды.

🔴🟢| 🇩🇿 Tragédie en Algérie…
Un autocar de transport de passagers est tombé dans l’oued El Harrach, faisant au moins 18 morts, un bilan malheureusement appelé à s’alourdir.
L’état vétuste du parc de bus et des infrastructures remet en lumière les causes récurrentes de ce type… https://t.co/wBPdByxexk pic.twitter.com/ZsuPLzNhYQ

— PhDounia 🎓 (@PhDounia) August 15, 2025