Алматының Әуезов, Бостандық, Жетісу және Наурызбай аудандарында суық су болмайды. Бұл туралы ҚазАқпаратқа сілтеме жасай отырып El.kz ақпарат агенттігі хабарлайды.
11 шілде күні таңғы сағат 9:00-ден 18:00-ге дейін Әуезов ауданы «Жетысу-2» шағын ауданында орналасқан тұрғын үйлер мен өзге де ғимараттарға суық су беру тоқтатылады.
Сондай-ақ 11 шілде сағат 8:00-ден 20:00-ге дейін Бостандық ауданында Қожанов, Байқадамов, Гагарин, Тәжібаев көшелерінің бойындағы үйлер мен әкімшілік ғимараттарға суық су берілмейді.
12 шілде сағат 9:00-ден 18:00-ге дейін Наурызбай ауданында Күлтөбе-Бердібай, Мұзбалақ-Асқаров көшелерінде де суық су болмайды.
13 шілде күні сағат 9:00-ден 20:00-ге дейін Әуезов ауданындағы Төле би- Саин-Үлкен Алматы өзені (Сайран көлі)-Жұбанов көшелерінің бойында орналасқан тұрғын үй және әкімшілік ғимараттарға су беру тоқтатылады.
Сонымен қатар, осы күні сағат 9:00-ден 18: 00-ге дейін суық сумен жабдықтау Жетісу ауданы «Көкжиек» шағын ауданында уақытша су болмайды.
Суық сумен жабдықтау қызметі бойынша шектеулер енгізу желілері мен нысандарында жоспарлы жөндеу жұмыстарын орындаумен байланысты. Уақытша қолайсыздықтар үшін кешірім сұраймыз, - деп хабарлады «Алматы су» кәсіпорны.