Алматыдағы Әуезов ауданында орналасқан сауда ойын-сауық орталықтарының бірінде өрт шықты. ТЖМ мәліметінше, ғимарат шатырындағы ауа тартқыш құбырында май қалдықтары жанып, кейіннен от шатырдың қаптамасына тараған, деп хабарлайды El.kz ақпарат агенттігі.
Қызыл жалын аумағы - 10 шаршы метр. Оқиға орнына дереу жеткен төтеншеліктер өртті сөндірді. Оны сөндіруге жеке құрамнан 65 адам және 20 техника жұмылдырылды.
Сауда ойын-сауық орталығынан мыңға жуық адам эвакуацияланды. Зардап шеккендер жоқ. Өрттің себебі анықталуда.
Посмотреть эту публикацию в Instagram