Алматы полициясы наурызда «Меркур Тауэрс» тұрғын үй кешенінің күзетшісін көлігімен бірнеше рет қағып өлтірген бұрынғы депутаттың ұлына қатысты іс туралы айтты, деп хабарлайды El.kz ақпарат агенттігі.
Алматы Полиция департаменті адам өлтіру дерегі бойынша соталды тергеу жүргізіп жатқанын хабарлады.
Күдікті бірден қамауға алынды. Бұған дейін соталды тергеу мерзімі сот-психиатриялық зерттеу жүргізуге байланысты үзілген болатын. Қазіргі уақытта өндіріс қайта басталды, тиісті сараптамалар тағайындалды. Тергеу аяқталғаннан кейін қылмыстық іс материалдары сотқа беріледі, - деп хабарлады полиция.
Еске сала кетейік, көктемде Алматыдағы тұрғын үй кешендерінің бірінде көлік жүргізушісі күзетшіні бірнеше рет басып, жаншып өтеді. Содан кейін ол көліктен түсіп, оны аяусы ұрған. Бұл оқиға бейнебақылау камераларына түсіп қалған. 42 жастағы Нұрбол Қайыпбаев алған жарақаттарынан ауруханада көз жұмды. Адам өлтіру дерегі бойынша қылмыстық іс қозғалды. 45 жастағы күдікті ұсталып, уақытша ұстау изоляторына қамалды. Қыркүйекте қалалық прокуратура адам өлтіру фактісі бойынша тергеудің тоқтатылғанын хабарлады. Күдікті психиатриялық көмек көрсететін арнайы медициналық ұйымға орналастырылған еді.