Алматыда қару-жарақ арсеналы табылды

27 Шілде 2022, 19:24 2152

Бұл туралы polisia.kz. сайты хабарлады

Алматыда қару-жарақ арсеналы табылды, – деп хабарлайды El.kz порталы Polisia.kz-ке сілтеме жасап.

Алматы қаласы криминалдық полициясының мәліметінше, ҮАК бойындағы орман белдеуінен қару-жарақ арсеналы табылды. Атап айтқанда, мәселе, кесілген қос ұңғылы шолақ мылтық, магазині бар газ тапаншасы, магазині жоқ BLOW F92 тапаншасы, 4 граната, әртүрлі калибрлі 39 патрон, радиостанция жайында болып отыр. Бұл дерек сотқа дейінгі тергеудің бірыңғай тізіліміне ҚР ҚК-нің 287-бабы 2-бөлігі бойынша тіркелді. Қару-жарақтың, сондай-ақ оқ-дәрілердің шығу тегі мен шынайы тиесілігі одан әрі жүргізілетін жедел және арнайы іс-шаралар барысында анықталатын болады.

Бөлісу: