Алматыда жаңбыр суы басқан негізгі аумақтағы қауіп жойылды

Алматыда жаңбыр су басқан аумақтадағы қауіп толық сейілді, деп хабарлайды деп хабарлайды El.kz ақпараттық агенттігі қала әкімдігінің баспасөз қызметіне сілтеме жасап. 

Кеше кешкі сағат 21:00-дегі жағдай бойынша Алматының таулы және тау бөктеріндегі аймақтарында 34 мм жауын-шашын түсті. Жалпы, қала бойынша тамыздағы орташа жылдық жауын-шашын мөлшері 34 мм құрайтын. 

Нөсер жаңбырдың салдарын жоюға 1008 жол жұмысшысы мен 640 бірлік техника жұмылдырылып, мердігерлер мен ведомстволық бағыныстағы ұйымдардың 52 мобильді бригадасы жаңбыр суын қабылдайтын жерлерін қоқыстан тазартып, және де нөсерлі кәріз және дренаждық суларды қабылдайтын сорғы станцияларының жұмысын қамтамасыз етіп жатыр. Жаңбыр кезінде 8 ағаш құлап, құлаған жерді тазалау жұмыстары жүргізілді. Оқыс оқиғадан ешкім зардап шеккен жоқ, - деп жазылған әкімдік таратқан ақпаратта. 

Қазіргі уақытта негізгі су басу учаскелері жойылып, арық жүйелерінен қоқыстарды шығару жұмыстары жүргізілуде. Онда түнгі кезекшілік қойылды. «Қазгидромет» РМК болжамына сәйкес, алдағы үш күнде арасында үзілісі бар жауын-шашын мол болады.