Алматы қаласының қала құрылысын бақылау басқармасының мәліметінше, сот шешімі бойынша көлік жуу объектісін бұзу басталған, деп хабарлайды El.kz ақпарат агенттігі.
Әкімдік бұл нысады Қалқаман ш/а-да, Төле би көшесі (Машана), 308/54 үй, рұқсат құжаттары болмаса да меншік иесі (жеке тұлға) тұрғызғанын алға тартты.
Басқарма Әуезов аудандық сотына нысанды бұзу жөнінде талап арыз берді. 2024 жылғы 11 қаңтарда Әуезов аудандық сотының ұйғарымымен талап қанағаттандырылды. 2024 жылғы 24 сәуір Алматы қалалық сотының қаулысымен бірінші сатыдағы шешім өзгеріссіз қалды. Нысанды бұзу Әділет департаменті сот орындаушыларының көмегімен басталды, - делінген мәліметте.
Естеріңізге сала кетейік, Алматы әкімі Ерболат Досаевтың заңсыз құрылысқа бақылауды күшейту жөніндегі тапсырмасы аясында өткен жылдың басынан бері 46 заңсыз нысан, оның ішінде «Мечта», «KНАn», «Алма Гарден» тұрғын үй кешендері және басқалары толығымен немесе ішінара бұзылған болатын.