Алматы қаласы қала құрылысын бақылау басқармасы пәтер алмауға кеңес берілетін тұрғын-үй кешендерінің жаңартылған тізімін жариялады, деп хабарлайды El.kz ақпарат агенттігі.
Алматы қаласының қала құрылысын бақылау басқармасының мәліметінше, тізім құрылысқа рұқсат беру құжаттарының толық пакеті жоқ, сондай-ақ жобадан ауытқулармен және басқа да бұзушылықтармен салынған бірқатар тұрғын үй кешендерімен (ТК) толықтырылды.
Тізімге құрылысы әлі басталмаған рұқсат құжаттары жоқ нысандар кірді. Басқарманың ақпаратына сәйкес, осындай ТК бойынша ұсыныстар интернет-ресурстардың мониторингі нәтижесінде анықталады.
Басқармадағылар азаматтарды жылжымайтын мүлікті сатып алмас бұрын Алматы қаласының қала құрылысын бақылау басқармасының WhatsApp +7 705 896 60 00 анықтамалық арнасы бойынша ТК құжаттарының толық пакетінің бар екеніне көз жеткізіп алуға кеңес береді.