Алматыда "Қыс-2023" командалық-штабтық оқу-жаттығуы өткізілді, деп хабарлайды El.kz ақпарат агенттігі.
Төтенше жағдайлар министрлігінің мәліметінше, аталған оқу-жаттығу аясында қалалық басқару мекемелерінің күштері мен құралдарының қысқы кезеңдегі төтенше жағдайларға дайындығы тексерілген.
Тіршілікті қамтамасыз ету объектісі Батыс жылу кешенінің аумағында шартты өрт жойылды, авариялық-қалпына келтіру жұмыстары, сондай-ақ кешеннің жұмыскерлерін әртүрлі тәсілдермен эвакуациялау элементтері пысықталып отыр.
Сонымен қатар, оқу-жаттығуға 252 адам және 67 арнайы және құтқару техникасы жұмылдырылғаны айтылды.