Алматы ТЖД өрт сөндірушілері қаладағы базардың бірінде шыққан өртті сөндіріп жатыр, El.kz ақпарат агенттігі.
Төтенше оқиға туралы қоңырау бүгін күндізгі сағат 12 шамасында түскені белгілі болды.
Алматы қаласының ТЖД бөлімшелері келгеннен кейін "Кенжехан-2" киім базарының аумағында контейнерлік үлгідегі қоймада өртті сөндіру жұмыстары басталды. Қазіргі уақытта тілсіз жау шарпыған аумақ анықталып жатыр.
Сондай-ақ, төтенше жағдайлар депаратментінің алықты базардан эвакуациялау жүргізілуде.
ТЖ жедел жою жұмыстарына Алматы қаласы ТЖМ бөлімшелерінің жеке құрамы мен техникасы жұмылдырылғаны айтылды.