Алматының № 2 қалалық балалар клиникалық ауруханасында үш күн бойы Германиядан әлемге әйгілі нейрохирург, профессор Ульрих Томаленің қатысуымен «Эпилепсияның фармакорезистентті түрі бар балалардағы аз инвазивті функционалдық гемисферотомия» балалар нейрохирургиясы бойынша бірегей мастер-класс өтті, деп хабарлайды El.kz ақпараттық агенттігі Алматы қаласының №2 КБКА баспасөз қызметіне сілтеме жасап.
Мастер-класс аясында неміс маманы жетекші қазақстандық нейрохирургтармен бірлесіп эпилепсияның күрделі түрімен бес операция жасады.
Фармакорезистентті эпилепсия кезінде дұрыс таңдалған эпилепсияға қарсы препараттар тиімсіз және эпилепсиялық ұстамаларды бақылауды қамтамасыз ете алмайды. Әлемдік статистикаға сәйкес эпилепсияны дәрі-дәрмекпен емдеу науқастардың 70-80% -ында тиімді.
Қалған 20-30% бақылауларда эпилепсияның фармакорезистетті түрі бар. Егер басқа емдеу ұстамаларды бақылауға көмектеспесе, эпилепсияны хирургиялық емдеу тағайындалады. Соңғы жылдары эпилепсия хирургиясы бойынша жаңа технологиялар әзірленді. Олар бұрын мұндай емдеу мүмкін болмаған пациенттердің сауығып кетуіне мүмкіндік береді.
«Біздің бес кішкентай баламызға операция жасалды. Берлиндегі «Шарите» клиникасынан келген қонақ, профессор Томаленің жетекшілігімен өткізілген мастер-кластың барысында ұстамалары жиі болатын эпилепсиямен ауыратын балалардың миына ауыр, күрделі операциялар жүргізілді. Барлық операциялар сәтті өтті, балалар қазір нейрохирургия бөлімінде. Мастер-класс өте сәтті өтті. Болашақта мұндай балаларға біз өз бетімізше операция жасаймыз деп ойлаймын», - деп атап өтті №2 БҚКА бас дәрігері, белгілі қазақстандық нейрохирург Марат Рабандияров.
Эпилепсиямен ауыратын балалардың ата-аналарына емделуге шетелдік клиникаларға барудың, үлкен қаражат жұмсаудың, шетелде қолайсыздықты сезінудің қажеті жоқ екенін атап өткен жөн.
№2 БҚКА практикасына енгізілген эпилепсия хирургиясы бойынша операциялар бізде олар пациенттерді іріктегеннен кейін міндетті әлеуметтік медициналық сақтандыру шеңберінде тегін жүргізіледі. Қазақстанда 18 жасқа дейінгі балалар МӘМС жүйесінде мемлекет тарапынан сақтандырылғанын еске саламыз.
Профессор Ульрих-Вильгельм Томале - балалар эпилепсиясын хирургиялық емдеу саласындағы әлемдік танылған маман. Практикалық балалар нейрохирургы жолының барлық кезеңдерінен өте отырып, Томале 8 жылдан астам уақыт бойы Шарите университеттік клиникасының педиатриялық нейрохирургиялық қызметін басқарды.