23 ақпанда Алматыда ауа сапасы нашарлайды, деп хабарлайды El.kz Қазгидрометке сілтеме жасап.
Синоптиктер Қазақстан қалаларындағы ауа сапасына болжамын жариялады.
Бейсенбі күні Алматы қаласында қолайсыз метеорологиялық жағдайлар күтіледі.
Қолайсыз метеорологиялық жағдайлар дегеніміз – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.