Алматыда асхана өртенді

Алматыда бір қабатты асханада өрт шықты. Оқиға Медеу ауданында болған, деп хабарлайды El.kz ақпарат агенттігі.

Газ-түтіннен қорғау қызметінің өкілдері адамдардың болуына барлау жүргізді, нысан электр көзінен ажыратылды. Өрт сөндіру оқпандары іске қосылып, жақын тұрған жеке үйге өрт таралу қаупі жойылды.

ТЖМ күштері өртті оқшаулап, 120 шаршы метр алаңдағы қызыл жалын сөндірілді. Зардап шеккендер туралы ақпарат түскен жоқ.

Нақтыланған мәліметтер бойынша  асхананың шатыры өртенген.