Қала 2024 жылдың бірінші жартыжылдығында сыбайлас жемқорлықтың алдын алу және оған қарсы іс-қимыл шараларын іске асыру бойынша елімізде бірінші орынды иеленді, деп хабарлайды El.kz ақпарат агенттігі.
Бұл Алматы қаласы әкімдігі мен Сыбайлас жемқорлыққа қарсы қызметтің бірлескен күш-жігерінің нәтижесі. Қалада сыбайлас жемқорлыққа қарсы белсенді шаралар енгізіліп жатыр:
Білім беру саласындағы ашықтық:
- Педагогтердің еңбегіне ақы төлеуді ашық бақылау үшін «Бұлтты бухгалтерия» жүйесі енгізілуде.
- «Цифрлық ваучерлер» жобасы қарастырылуда. Бұл оқушыларды тегін тамақтану саласында ашықтықты қамтамасыз етеді.
Бағаны бақылау: кәсіпкерлерге жеңілдетілген несие беріліп, 15 пайыздық сауда үстемесі тексерілуде. Ережені сақтамағаны үшін 396 хаттама толтырылды. 73 тиімсіз делдал өнімді жеткізу тізбегінен алынып тасталды.
Сыбайлас жемқорлықтың алдын алу:
Сыбайлас жемқорлыққа бейім қызметтің тізілімі жасалып, тәуекелдер картасы жаңартылды.
«Жайлы мектеп» ұлттық жобасы – әрбір нысан бойынша қала әкімі құрылыс жұмыстарының сапасын бақылауды тапсырды.