Алматы-Өскемен тас жолында желден жүк көлігі аударылып қалды

Қатты жел Алматы-Өскемен тас жолында жүк көлігін аударып тастады. Бұл туралы ҚР ІІМ баспасөз қызметіне сілтеме жасай отырып El.kz ақпарат агенттігі.

26 желтоқсан күні шамамен сағат 16:00-де Алматы-Өскемен автожолының 939-шақырымында жол-көлік оқиғасы орын алды: қатты желдің салдарынан MERCEDES BENZ маркалы жүк көлігі аударылды. Жүргізуші зардап шеккен жоқ, - делінген мәліметте.

Полицейлер жүргізушілер мен жолаушыларды қауіпсіздік шараларын сақтауға шақырады:

• Жол қозғалысы ережелерін қатаң сақтаңыз.
• Қатты жел немесе нашар көріну жағдайында жылдамдықты төмендетіңіз және мүмкіндігінше ұзақ сапардан аулақ болыңыз.