Алматы облысында жоғары сынып оқушысы бірнеше баланы тізіп қойып ұрды

Алматы облысының Іле ауданына қарасты Қараой ауылындағы мектепте 9-сынып оқушысы бір топ оқушыны қатар тұрғызып, оларды ұрып-соққан, деп хабарлайды El.kz ақпарат агенттігі.

Оқиға сәті түсірілген видео әлеуметтік желіде тарап, қоғамда үлкен резонанс тудырды. 

Білім басқармасының өкілі бейнежазба астына пікір қалдырып, қазіргі уақытта осы факті бойынша тексеріс жүргізіліп жатқанын мәлімдеді.

Білім басқармасы қызметтік тергеу жүргізеді. Нәтижесіне қарай қажетті шаралар қабылданады. Оқушылардың қауіпсіздігі мен құқықтары қорғалады. Тексеру қорытындысы туралы қосымша ақпарат берілетін болады, – деп хабарлады ведомствоның баспасөз қызметі.