Алматы облысындағы ағаш ұстасы цехында өрт болды, деп хабарлайды El.kz ақпарат агенттігі.

ҚР ТЖМ мәліметінше, Талғар ауданының Гүлдала ауылындағы өрт туралы хабарлама 112 нөміріне 10 наурыз күні сағат 19:18-де түскен.

Ауылдағы жеке тұрғын үйдің аумағында орналасқан ағаш ұстасы цехы өртенді. Сағат 19:56-да өрт оқшауланып, 20:14-те жойылды. Ауданы 250 шаршы метрді құрайды. Өрттің себебі анықталуда, - делінген мәліметте.

Өртке Алматы облысы ТЖД 20 қызметкері мен 4 бірлік техникасы жұмылдырылды.