Жеңіс күні қарсаңында Алматы әкімі Ерболат Досаев ІІ дүниежүзілік соғыс ардагерлеріне арнайы барды. Бұл туралы қалалық әкімдікке сілтеме жасай отырып El.kz ақпараттық агенттігі хабарлайды.
Әкім Бисенғали Жұбаниязовпен, Владимир Белозеровпен және Зұлхарнай Сейітовпен кездесті. Олардың барлығы майданға жасөспірім шақта аттанған.
Қала басшысы майдангерлерді мерекемен құттықтап, соғыстағы ерлігі үшін алғыс білдіріп, ұзақ ғұмыр тіледі. Әрі сыйлық табыс етіп, 28 гвардияшы-панфиловшы атындағы саябағындағы Мәңгілік алауға гүл шоғын қою рәсіміне шақырды, - делінген мәліметте.
Айта кетер жайт, бүгінде Алматыда 56 ардагер тұрады. Биыл қала әкімінің ұсынысымен ҰОС ардагерлеріне берілетін төлем 1,5 миллион теңгеге дейін көбейтілді.
Посмотреть эту публикацию в Instagram