Дінмұхаммед Қасымбек күрес түрлерінен 17 жасқа дейінгілер арасында өтіп жатқан әлем чемпионатында Қазақстан қоржынына қола медаль салды, деп хабарлайды El.kz интернет порталы.
Бұл – еркін күрес шеберлерінің еншісіндегі алғашқы медаль.
80 келіге дейінгі салмақ дәрежесінде өнер көрсеткен отандық балуан қола жүлде үшін күресте молдовалық қарсыласы Иван Паслариді 5:4 есебімен жеңді. Белдесу өте тартысты өткенімен, Қасымбек кездесудің соңғы жағында жеңісті жұлып алды. Төрешілер қазақстандық спортшының қолын көтерді.