Бүгін Ұлыбританияның Ливерпуль қаласында бокстан әлем чемпионаты басталды. Қазақстан құрамасы атынан алғаш болып шаршы алаңға Элина Базарова шықты, деп хабарлайды El.kz интернет порталы. 

54 келіге дейінгі салмақта өнер көрсеткен отандасымыз алғашқы кездесуін өзбекстандық Нигина Уктамоваға қарсы өткізді. Шаршы алаңда өзбекстандық боксшы басымдық танытып, жеңісті суырып алды. Осылайша бірінші жекпе жекте Элина Базарова өзбекстандық Нигина Уктамоваға жол берді. Есеп - 5:0.

Сондай-ақ бүгін Сағындық Тоғамбай (90 келіге дейін) алғашқы жекпе-жегін өткізеді.