Александр Бублик өз мансабында алғаш рет Уимблдон турнирінің төртінші айналымына шықты, деп хабарлайды El.kz ақпарат агенттігі.
Қазақстандық теннисші үшінші айналымда дүниежүзілік рейтингте 170-орында тұрған германиялық Максимилиан Мартерермен шеберлік байқасып көрді.
Бірінші партияда брейк жасаған Бублик сол басымдылығынан айырылған жоқ - 6:4. Екіншісінде қарқынын тіпті үдетті - 6:1 есебімен аяқталды.
Ал үшінші сетте тай-брейкте жеңісті жұлып алды - 7:6 (7:4).
Екі сағатқа жуық уақытқа созылған матчта отандасымыз 10 эйспен бірге 9 брейк-пойнттың төртеуін пайдалана алды.
Александр Бублик ширек финалға шығу үшін әлемнің 7-ракеткасы, ресейлік Андрей Рублев немесе рейтингте 123-сатыдағы бельгиялық Давид Гоффен жұбының жеңімпазымен кездеседі.