"Қазгидромет" Қазақстанда 5-7 қараша күндері аралығында ауа райының қандай болатынын мәлімдеді, деп хабарлайды El.kz ақпарат агенттігі.
Республиканың оңтүстігінде, оңтүстік-шығысында күн салқындап, жаңбырдың соңы қар жаууға ұласуы мүмкін.
Ал 5 қарашада батыс өңірде, 6 қарашада солтүстікте, 6-7 қарашада шығыста, оңтүстік, оңтүстік- шығысында қатты жауын-шашын түсуі ықтимал. 5 қарашада солтүстік, солтүстік-батыс аймақтарда ғана ауа райы жауын-шашынсыз болады деп күтіліп отыр.