Олар «заңсыз әрекеті үшін банк менеджерін ұстауға арнайы операция» жүргіземіз деген желеумен азаматтарды несие рәсімдеуге немесе микроқарыз алуға үгіттеп, ақшаны үшінші тұлғаның шотына аударуға көндіреді. Кей жағдайларда жалған «полиция» Ұлттық Банкпен бірлесіп «арнайы операция» жүргізетінін және онысын растау үшін «Ұлттық Банк қызметкеріне» қоңырау шалған болып, қолдан жасалған куәліктерді, банктің аударым құжаттарын және орындалған операциялардың заңдылығын «растайтын» басқа да мәліметтерді жібереді. Мұндай әрекеттердің барлығы ұйымдасқан алаяқтардың жұмысын көрсетеді - делінген банк хабарламасында.
Алаяқтардың түпкі мақсаты – несие рәсімдеуге қатысты мотивациялық түрлі айла табу, ақша жымқыру және дербес (соның ішінде сізге жақын адамдардың) дерегін қолға түсіру.
Ұлттық Банк «құқық қорғау жүйесінің жалған қызметкері» немесе «Ұлттық Банк қызметкері» телефон шалған кезде әңгімені тоқтатуды, «банк менеджерін ұстау» бойынша алаяқтық пиғылдағы іс-қимылдарға қатыспауға, дереу құқық қорғау органдарына арыз түсіруге шақырады.
Ұлттық Банк: мобильді қосымшаларды жүктеуге, дербес деректерді ашуға, мобильді телефонға қашықтан кіруге рұқсат беруге және телефонмен сөйлесу кезінде алынған нұсқаулар бойынша үшінші тұлғалардың шотына ақша аударуға болмайтынын ескертеді.
Қосымша кеңес:
Ұлттық Банк жеке тұлғаларға қызмет көрсетпейтінін, халықпен ақшалай есеп айырысу ісін жүргізбейтінін еске саламыз. Келіп түскен сауалдарды немесе қандай да бір іс-әрекеттерге қойылатын талаптарды тексеру үшін қаржы ұйымының немесе банктің ресми нөміріне қоңырау шалып, күмән тудырған жағдайда қаржы мекемесіне барып, оның қызметкерімен сөйлескен дұрыс - дейді банк қызметкерлері.
Кеңес алу үшін 1477 қысқа нөмірі бойынша Ұлттық Банктің байланыс орталығына хабарласуға, ал Ұлттық Банктің негізгі жұмысымен nationalbank.kz ресми сайтында танысуға болады.