Ресейлік диетолог Мария Капралова денені никотиннен тазартуға көмектесетін тағамдарды атады, деп хабарлайды El.kz ақпарат агенттігі.
Оның айтуынша, мұндай өнімдерге анар, апельсин, лимон және брокколи қырыққабаты жатады.
Анар – интоксикант күймен (темекі, алкоголь және басқа да ағзаға улы заттар) күресу үшін ең тиімді жеміс. Сонымен қатар анар қан сапасын және жалпы қан айналымын жақсартады, - деді ол.
Диетологтың айтуынша, темекі шегушілер күнделікті рационына цитрус пен зімбір қосуы керек.
Апельсин мен лимон метаболизмді жеделдетуге көмектеседі. Ал зімбір тамыры иммунитетті күшейтеді, сонымен қатар әртүрлі токсиндермен күресуге көмектеседі, ең бастысы, темекі шегуге деген құштарлықты азайтады, – деді ол.
Дәрігер темекі шегушілер үшін пайдалы тағамдар тізіміне киви, брокколи қырыққабаты және көк шөпті енгізді.
Киви ас қорытуды жақсартады және күйзеліспен күреседі. Себебі күйзеліс шылым шегетін адамдарда жиі болады. Брокколи метаболизм процесін реттейді, ал көк шөп бүкіл денені тазартуға көмектеседі, – деді маман.