Венгр жазушысы Ласло Краснахоркаи әлемнің күйреуі мен өнердің құдіретіне сенім жайлы прозасы үшін марапатталды, деп хабарлайды El.kz интернет порталы.

Швед академиясы биылғы Әдебиет саласындағы Нобель сыйлығын Ласло Краснахоркаиге табыстады. Ол бұл марапатқа «апокалипсистік үрейдің аясында өнердің күшін дәлелдейтін шығармашылығы үшін» ие болды.

70 жастағы жазушы Еуропадағы ең күрделі әрі философиялық прозашылардың бірі саналады. Оның шығармалары меланхолияға, күйреу мен жақындап келе жатқан апат сезіміне толы. Краснахоркаи ұзақ, ырғақты сөйлемдерді постмодернистік құрылым және философиялық шиеленіспен ұштастырады.

BREAKING NEWS
The 2025 #NobelPrize in Literature is awarded to the Hungarian author László Krasznahorkai “for his compelling and visionary oeuvre that, in the midst of apocalyptic terror, reaffirms the power of art.” pic.twitter.com/vVaW1zkWPS

— The Nobel Prize (@NobelPrize) October 9, 2025

Сыншылар оның туындыларындағы қасіретті атмосфера мен өнердің жарығына деген сенімнің контрастын ерекше атап өтеді. Дәл осы ерекшелік Нобель комитетінің шешіміне басты себеп болған.

Жазушының ең танымал еңбектері – «Шайтан биі» (Sátántangó) және «Қарсылық меланхолиясы» (A melankólia ellenállása). Екі шығарма да венгр режиссёры Бела Таррдың режиссурасымен экрандалған.

Ласло Краснахоркаи – Нобель сыйлығын алған екінші венгр жазушысы. Бұған дейін – 2002 жылы бұл марапатқа Имре Кертес ие болған.