«Жанкүйер» подкасты Париж төрінде өтіп жатқан жазғы Олимпиада ойындарына арналды. Төрт жылдықтың алғашқы күндерінде Қазақстан қоржынына 1 алтын, екі қола медаль түсті. Студияға осы тарихи сәтті елден бұрын хабарлаған комментаторлар қонаққа келді. Дзюдодан мемлекеттік жаттықтырушы болған, қазір комментатор ретінде таныла бастаған Жандос Қонысбаев пен әмбебап комментатор Рауан Оқас қалды. Бағдарлама барысында дзюдошылардың жетістігі, құрамадағы тәжірибелі боксшылардың сәтсіздігі, теннисшілердің қатыспауы және басқа да тақырыптар талқыланды