Татарстандағы Абай облысының мәдени күндері аясында өңір делегациясы Татарстан елінің Мемлекеттік кеңесінде болды, деп хабарлайды El.kz ақпарат агентігі.
Сапар барысында облыс әкімі Нұрлан Ұранхаев Татарстан Республикасы Мемлекеттік кеңесі төрағасының орынбасары Марат Ахметовпен кездесті. Кездесуде екі жақты ынтымақтастықты дамыту мәселесі талқыланды.
Қазан қаласына келгенімізге бірнеше күн болды. Бұл жолы үлкен делегациямен келдік. Жаңадан құрылған облыс болғандықтан барлық салада байланыс орнатуға дайынбыз. Біздің облыста өндіріс те, ауыл шаруашылығы да жақсы дамыған. Үлкен теміржол желісі салынып жатыр, — дед Нұрлан Ұранхаев.
Әкімдік баспасөз қызметі бұл сапардың мақсаты екі аймақ арасындағы байланысты, әріптестік қарым-қатынасты нығайту, мәдениет саласындағы ынтымақтастықты дамыту екенін атап өтті.
Татарстан Республикасы Мемлекеттік кеңесі төрағасының орынбасары өз сөзінде Абай облысымен байланысты нығайтуға, алыс-берісті арттыруға мүдделі екенін атап өтті.
Сіздердің өңірдің транзиттік, логистикалық әлеуеті зор. Осы бағыттарда ынтымақтастық орнатқымыз келеді, — деді Марат Ахметов.
Кездесу соңында облыс әкімі Нұрлан Ұранхаев құрметті қонақтардың кітабына қол қойды.