Абай облысы әкімдігінің мәліметінше, байқаудың мақсаты – өңірдің логотипі мен брендбугін жасау арқылы қаланың имиджін жаңарту, оның мәдени-тарихи мұрасын ескеретін үздік жобаларды анықтау. Конкурсқа түскен материалдар бекітілген талаптарға сәйкес бағаланады.
Комиссия мүшелері ашық дауыс беру арқылы жеңімпазды белгілейді. Жүлде қоры – 1 000 000 теңге. Байқауға шығармашылық шеберханалар, жарнама агенттіктері, дизайн студиялары, жобалау ұйымдары мен авторлық ұжымдар қатыса алады, - делінген ақпаратта.
Конкурстық жұмыстарды осы жылдың 1 қазанына сағат 18:00-ге дейін Семей қаласы Қ.Мұхамедханов көшесі, 8, № 412 кабинет мекенжайы бойынша баспа және электронды түрде ұсынуға мүмкіндік бар. Қандай да бір сұрақтар туындаса 8(7222) 522577 телефон нөміріне қоңырау шалуға болады.