Абай Бегейдің қызы Ақтауда 20 млрд тұратын мейрамхана ашты

Танымал әнші Абай Бегейдің қызы, блогер Гүлеркем Ниязқұлова үш баласының есімімен Amire Hall, Хan Imperial, Tomiris Palace атты 20 млрд теңге тұратын тойхана салды, деп хабарлайды El.kz ақпарат агенттігі otpannews.kz-ке сілтеме жасап.

Әлеуметтік желіде әр күнін бөлісіп отыратын блогер 3 сәуір күні Amire Hall тойханасының салтанатты ашылуын өткізді. Мейрамханадағы алғашқы той - тұңғыш ұлы Әміренің сүндет тойы болды. Қазір мейрамханада күн сайын дүркіреген той өтіп жатыр. Блогер бұл сәтті 8 жыл күткенін айтты. Ал, екінші ұлының есімімен салынған Хan Imperial мейрамханасы 11 сәуір күні ашылмақ. 

Көптеген интернет парақшалары блогердің 20 млрд теңгеге тойхана ашқанын жарыса салды. Ал, оған тұрғындар «халыққа пайдасы тиетін жұмыс орнын ашсаңшы», «завод салу керек еді, қаншама адам жұмыссыз жүр» десе, енді бірі «құтты болсын», «жұғысты болсын», «той көп болсын» деген жақсы тілектерін де білдіріп жатты.