Бүгін 5 қазан - елімізде Ұстазар күні атап өтіледі. Әлемнің 100-ден астам елі айтулы кәсіби мереке тойланады, деп хабарлайды El.kz ақпарат агенттігі.
Қазақстанда 600 мыңға жуық педагог еңбек етеді. Оның 399 247-сі мектептерде, 41 155 педагог техникалық және кәсіптік білім беру ұйымдарында сабақ береді. Мектепке дейінгі мекемелерде 100 566 тәрбиеші жұмыс істейді.
Ұстаздардың 323 мыңы әйел педагог болса, 75 мыңы - ер адам. Бұл республикадағы жалпы ұстаздардың 19 пайызын құрайды. Статистикалық мәліметтерге сүйенсек, педагогтардың басым бөлігі 10 мен 20 жылға дейінгі аралықта еңбек етіп жүргендер.
Қазақстанда 22 мың білім беру ұйымы бар. Оның ішінде орта білім беру ұйымдарының саны – 7925, мектепке дейінгі білім беру ұйымдары – 11,6 мың, техникалық және кәсіптік білім беру ұйымдары – 772.
Барлық білім беру мекемелерінде 6 миллионға жуық бала оқиды. Соның ішінде 1 миллионға жуық бала балабақшада, 4 миллионға жуық бала мектепте, 565 мың студент колледждерде жұмысшы мамандықтары бойынша білім алуда.
Соңғы бес жылда Қазақстанда 1000-ға жуық мектеп ашылған.
Еске салсақ, былтыр Үкімет қаулысыме Қазақстанда педагогтардың кәсіби мерекесі 5 қазан деп белгіленді. Оған дейін Ұстаздар күні қазанның алғашқы жексенбісінде атап өтілетін.