Пхетхонгтхан Чинават Таиланд премьер-министрі болып сайланды, деп хабарлайды El.kz ақпарат агенттігі.
Бұған дейін Конституциялық сот «әдепті өрескел бұзғаны үшін» Сеттх Тхависинді лауазымды қызметінен шеттеткен.
Үміткерді қолдап 319 депутат дауыс берсе, 145-і қарсы шыққан, ал 27 депутат қалыс қалды.
Осылайша, ол Таиландтың 31-ші әрі ең жас премьер-министрі атанды.
Сонымен қатар 37 жастағы Пхетхонгтхан Чинават – Таиланд премьер-министрі атанған екінші әйел. Сонымен қатар елдегі ең лауазымды қызметті атқаратын Чинават әулетінің үшінші өкілі.