Болашақ – роботтар мен жасанды интеллекттің қолында. Біз әлі демалыс туралы ойлап жүргенде, олар адамның өмір бойы үйренгенін меңгеріп үлгерді. Автоматизация мен ІІ технологиялары күннен-күнге дамып, рутиналық қана емес, шығармашылық міндеттерді де орындай бастады. Бұл туралы «Спорт-Экспресс» басылымына сілтеме жасай отырып El.kz интернет порталы хабарлайды.

Неге мамандықтар жойылады?

Технология дамыған сайын кейбір қызмет түрлері өзектілігін жоғалтады. Автоматтандыру шығынды азайтып, жұмысты жылдамдатады. Роботтар бұрын тек адамға тән күрделі міндеттерді де игере бастады. Сонымен бірге қоғам мен бизнес қажеттіліктері өзгеріп, жаңа тәсілдер талап етіледі, ал ескі кәсіптерге сұраныс болмайды.

Қай салаларға қауіп төніп тұр?

Таксистер. 2030 жылға қарай жүргізушісіз көлік нарықты басуы ықтимал. Қазірдің өзінде АҚШ, Қытай, ОАЭ секілді елдерде роботакси қызметі жұмыс істеп тұр.

Курьерлер. Дрондар мен роботтар тапсырыстарды жеткізуді біртіндеп өз қолына алып жатыр. Бұл салада адам еңбегі тек уақытша көмек түрінде қалуы мүмкін.

Кассирлер. Өзін-өзі қызмет көрсету кассалары дүкендерде кеңінен таралып жатыр. Бұл үрдіс жеделдетіліп, кассир мамандығы жойылуға жақын.

Бағдарламашылар. Қарапайым кодты ІІ қазірдің өзінде жазады. Алдағы жылдары күрделі техникалық тапсырмаларды да атқаруы мүмкін.

SMM-менеджерлер мен контент-креаторлар. ІІ мақалалар жазуды, бейнеролик жасауды, дизайнды игеріп келеді. Бұл қашықтан жұмыс істейтіндерге айтарлықтай соққы болмақ.

Қандай дағдылар қалады?

Эксперт Алина Логунованың айтуынша, болашақта басты құндылық – уникалдылық. Автоматизация стандартты процестерді ығыстырғанымен, шығармашылық ойлау, шаблоннан шығу, адаммен тікелей байланыс орната білу қабілеті жоғары бағаланбақ.