18 ақпанда Қазақстан аумағының басым бөлігінде құбылмалы күн райы сақталады, деп хабарлайды El.kz ақпараттық агенттігі.
Соған байланысты қар жауып, жаяу бұрқасын болады. Республиканың оңтүстік-батысында, оңтүстігі мен оңтүстік-шығысында қар мен жаңбыр түрінде жауын жауып, көктайғақ күтіледі.
Сондай-ақ ел бойынша екпінді жел, тұман болжанады.
Алматы облысының таулы жерлерінде және Жетісу облысында қатты жауын-шашын (жаңбыр, қар) болады.
Түнде Жамбыл облысының таулы аудандарында қатты қар жауады.