11 қазанда Қазақстанның басым бөлігінде ауа райын ауқымды антициклон анықтайды. Онымен жауын шашынсыз күн райы қалыптасады, деп хабарлайды El.kz «Қазгидромет» РМК-ға сілтеме жасап.
Еліміздің тек батыс өңірлерінде жаңбыр мен найзағай болжанады. Барлық өңірде – екпінді жел, оңтүстік пен оңтүстік-батыста – шаңды дауыл, шығыста және оңтүстік-шығыстың таулы аймақтарында тұман күтіледі.
Түнде Түркістан облысының солтүстігінде топырақ бетінде 2 градус үсік сақталады.