Әмір Омарханов алғаш рет АТР рейтингіне енді
![Әмір Омарханов алғаш рет АТР рейтингіне енді Әмір Омарханов алғаш рет АТР рейтингіне енді](/storage/storage/element/2024/07/18/mainphoto/113036/1200xauto_iPS5OFozcLQbLPMLP3SaQh6InvpWVS5S2KDFmXXl.jpg)
ITF 18 жасқа дейінгі спортшылар арасында әлемдік рейтингті жария етті, деп хабарлайды El.kz ақпарат агенттігі.
ҰОК мәліметінше, Қазақстанның жас жұлдызы, 16 жастағы Әмір Омарханов 15-орынға көтерілді.
Осылайша, Әмір өзінің үздік көрсеткішіне (2024 жылғы ақпан, №12) жақындап келеді.
Қазір Астанада ересектер арасындағы челленджер турнирінде өнер көрсетіп жатқан Омарханов алдағы аптада 4 ұпаймен алғаш рет ATP рейтингісіне де кіреді.
Сондай-ақ, жасөспірімдер арасындағы ТОП-50-ге Соня Жиенбаева (№21) мен Асылжан Арыстанбекова (№38) енді. Даниал Рахматуллаев – 58, Заңғар Нұрланұлы – 163, Айя Нұпбай – 120, Полина Слепцова 229-сатыда тұр.
Азия теннис федерациясының (ATF) жаңартылған рейтингісінде 16 жасқа дейінгілер арасында Заңғар Нұрланұлы бұрынғыша 1-орында.
14 жасқа дейінгілер арасында Tennis Europe ТОП-100-де Қазақстанның төрт теннисшісі бар: Роберт Каминский 61-де, Ахмади Маханов 63-те қалса, Родион Трайгель 69-сатыға жоғарылады. Қыздар арасында Линара Бөлешева 84-орында келеді.
![Telegram](https://el.kz/static/site/images/tel26.png)