Алматыға қонуға мәжбүр болған ұшақ жолаушылары борттан түсуден бас тартты
Фото: El.kz
Фото: El.kz
07.04.2023 10:38
972
Ақтаудан Шымкентке бағыт алған ұшақ Алматыға қонуға мәжбүр болды, деп хабарлайды El.kz ақпарат агенттігі FlyArystan баспасөз қызметіне сілтеме жасап.
Шымкентте әуежайдың ұшу-қону жолағындағы жөндеу жұмыстарына байланысты ұшып шығу уақыты 6 сағатқа кейінге шегерілді.
"Алматыдан "Ақтау – Шымкент" КС7578 рейсін орындау үшін әуе компаниясына ұшақтың тиісті дайындығын жүргізу қажет. Алайда "деструктивті" жолаушылардың борттан түсуден бас тартуына байланысты аталған процедураны орындау мүмкін болмай отыр", - деп атап өтті жолаушылар тасымалы.
Әуе компаниясы рейс олардың кінәсінен кешікпегенін атап өтті.
"Алматыға ұшып келгеннен кейін жолаушыларды түсіру кезінде 15 деструктивті жолаушы ұшақтан шығудан бас тартты. Осыған байланысты қызметкерлер желілік ішкі істер бөлімін шақыруға мәжбүр болды", - деп мәлімдеді әуе компаниясы.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
“Қаңтар оқиғасына” қатысты ҰҚК генералы сотталды
Келесі жаңалық
Ваучерлік қаржыландыру жүйесі несімен тиімді