Алматыдағы ҚБТУ ғимаратынан өрт шықты
Осы сәттерде Алматы қаласы Төле би көшесіндегі Қазақстан-Британ университеті ғимаратынан өрт шығып, төтенше жағдайлар қызметкерлері өртті сөндіруге бар күшін салып жатыр, деп хабарлайды El.kz ақпарат агенттігі.
Алдын ала мәліметтер бойынша, төртінші қабаттағы бөлмелердің бірінде төбе жабыны отқа оранған.
Өрт орнында жедел штаб құрылды. Қазақстан ТЖМ Командалық орталығында өртті сөндіру үшін күштер мен құралдарды көбейту тапсырылды, - делінген ТЖМ мәліметінде.
Өрт орнында Алматы ТЖД 78 құтқарушы және 28 бірлік техника жұмыс істеп жатыр.
2025 жылдың 11 қаңтарында Алматы қалалық төтенше жағдайлар бойынга департаментінің күштері Қазақстан-Британ университеті мекенжайы бойынша жоғарылатылған ІІІ деңгейдегі өрт ошағында жұмыс істеп жатыр. Өртті сөндіру нысанның күрделі конструктивті ерекшеліктеріне байланысты қиындады, нысан бес қабатты, шатыр кеңістігі жанып жатыр. Өрттің жабық ошақтары бар. Үш автосаты орнатылды. Екі автоцистерна өрт гидрантына орнатылды. Жалын әлі ауыздықталған жоқ, - деді Алматы ТЖД басшысының орынбасары Чайзада Бағдат.
Қысқа да нұсқа. Жазылыңыз telegram - ға