Алматыда жаңа автобус бағыты іске қосылды
Наурызбай ауданы тұрғындарының көптеген өтініштері негізінде қалалық мобилділік басқармасы жаңа тұрақты бағыт ұйымдастырды, деп хабарлайды El.kz ақпарат агенттігі.
Қалалық әкімдік мәліметінше, №76 бағыты «Алма Сити-5»ТК» – Алатау даңғылы – Төле би көшесі – Әшімов көшесі – Райымбек даңғылы – Кудерин көшесі – Солтүстік айналым– «Сәлем» базарына қатынайды. «Әділет Авто» ЖШС қызмет көрсетеді.
Бағытта 2023 жылы шыққан ISUZU маркалы 14 автобус жүреді. Мұндағы жоспарлы қозғалыс аралығы 8 минутты құрайды, - делінген мәліметте.
Сонымен қатар әкімдік биыл қосымша 600 автобус, 112 троллейбус және 100 электробус сатып алуды жоспарлап отырғанын алға тартты. Ал жеке тасымалдаушылар 400-ге жуық жаңа автобус пен 15 электробус сатып алуды жоспарлап отыр. Қабылданған шаралар 2024 жылы экологиялық таза көліктің үлесін 70%-ға дейін арттыруға мүмкіндік береді, бұл ретте автобустардың орташа жасы үш жылды құрайды.
Қысқа да нұсқа. Жазылыңыз telegram - ға