Алматыда төрт онлайн казино жабылды
![Алматыда төрт онлайн казино жабылды Алматыда төрт онлайн казино жабылды](/storage/storage/element/2024/07/26/mainphoto/114128/1200xauto_G6Ua2vWisqtiiZ37975dsLSuakNnBPNYWi48FsyV.jpg)
Алматыда заңсыз ойын бизнесі бойынша 5 қылмыстық іс тіркелді, деп хабарлайды El.kz ақпарат агенттігі.
Бұл туралы өңірлік коммуникациялар қызметінің брифингінде Алматы қаласы бойынша Экономикалық тергеп-тексеру департаментінің тергеу басқармасы басшысы Сәкен Қондыбаев мәлім етті. Спикер Экономикалық тергеу департаментінің басым міндеттерінің бірі заңсыз ойын бизнесімен күрес екенін атап өтті.
Заңның 11-бабына сәйкес казино мен ойын автоматтарының залдарын Алматы облысында (Қапшағай) және Ақмола облысында (Щучье ауданы) орналастыруға болады. Басқа жерлерде ашу заңсыз деп танылады. Мәселен, заңсыз жұмыс істеген 4 онлайн казино мен бір ойын залы жабылды. Былтыр заңсыз құмар ойын ұйымдастыру ісі бойынша 14 факті анықталды. Ұйымдастырушылар қылмыстық жауапкершілікке тартылды, - деді спикер.
Сонымен қатар, ол сала мамандары қазір Мемлекет басшысы қол қойған жаңа заң аясында жұмыстар жүргізіп жатқанын жеткізді.
![Telegram](https://el.kz/static/site/images/tel26.png)