Алматыда рәміздер күнінде мемлекеттік ту көтерілді
Мемлекеттік рәміздер күніне орай Алматыда «Батыр» Президенттік полкінің ту көтеру тобының салтанатты рәсімі және гимнді жаппай орындау өтті, деп хабарлайды El.kz ақпараттық агенттігі.
Патриоттық іс-шара «Медеу» биік таулы спорт кешенінде өтіп, оған Алматы қаласының әкімі Ерболат Досаев, мәслихат депутаттары, жұртшылық пен жастар ұйымдарының өкілдері қатысты. Іс-шараға барлығы мыңнан астам алматылықтар жиналған.
Мерекелік әнұран бір уақытта орындау қаланың барлық аудандарында сағат 11:00-де басталды. Рәміздер күнін мерекелеу веложарысқа ұласты. Жарысқа 500-ден астам алматылық қатысып, Шевченко көшесінің бойында өтті. Велошабандоздар М.Ганди саябағынан Қонаев көшесіне дейінгі қашықтықты жүріп өтті.
Мерекелік іс-шаралардың соңы ашық аспан астындағы концертке ұласып, қаладағы Абай алаңында қала тұрғындары үшін отандық эстрада жұлдыздарының орындауында әндер тарту етілді.
Қысқа да нұсқа. Жазылыңыз telegram - ға