Алматыда Дүниежүзілік қоршаған ортаны қорғау күніне орай ауқымды экоакция өтеді
![Алматыда Дүниежүзілік қоршаған ортаны қорғау күніне орай ауқымды экоакция өтеді Алматыда Дүниежүзілік қоршаған ортаны қорғау күніне орай ауқымды экоакция өтеді](/storage/storage/element/2024/06/06/mainphoto/106810/1200xauto_fRA8oBLloRSdih33IavqAFuRHL6GegXDBTnOPSW4.jpg)
Алматыда Дүниежүзілік қоршаған ортаны қорғау күніне орай 9 маусымда ауқымды экологиялық акция өтеді. Акция Алматы қаласы Экология және қоршаған орта басқармасының қолдауымен өтеді, деп хабарлайды El.kz ақпарат агенттігі.
Оған қатысуға Алматы қаласының барлық тұрғыны мен қонағы шақырылады.
Бағдарламада:
- қайта өңдеу үшін халықтан қайталама шикізат жинау (17 түрлі қалдық қабылданады);
- қайырымдылық ұйымдары үшін зат жинау (киім, кітап, аяқ киім, тұрмыстық зат және т.б.);
- кітап алмасу;
- өсімдік алмасу;
- Дармарка («Сен қажетсізді әкелесің, өзіңе керекті нәрсені аласың»).
Қайта өңдеу тізімінде электронды және құрамында сынап бар қалдықтар, мерзімі өткен дәрі-дәрмектер, пенопласт, консервілер, түрлі-түсті шыны қабылданады.
Мұндай акция «Алматы – біздің ортақ үйіміз» науқанынан кейін қала тұрғындары арасында кеңінен танылды. Іс-шараның бірінде 2,2 тонна қайталама шикізат және 2,7 тонна қайта пайдалануға арналған заттар жиналды.
![Telegram](https://el.kz/static/site/images/tel26.png)