Алматы қала күніне қалай безендірілді
Өткен демалыс күндері Алматыда қала күнін тойланды. Қыркүйек айында қалада түрлі концерттер, фестивальдар мен спорттық іс-шаралар ұйымдастырылды, деп хабарлайды El.kz ақпарат агенттігі.
Қалалық әкімдік мәліметінше, концерттік іс-шаралардан басқа, қаламыздың туған күніне қалай өзгергенін байқауға болады. Алматылық суретшілер мен дизайнерлердің шығармашылығының арқасында Алматы туған күнінде ерекше мерекелік кейіпке еніп, жарқырай түсті.
Республика сарайының алдындағы алаңды ерекше атауға болады, онда әрбір тұрғын мен қонақ өткен заманға барып, бұрынғы Алматының атмосферасын сезіне алады. Мұнда сіз Гиннестің рекордтар кітабына енген әлемдегі ең үлкен Рубик текшелерінің мозаикасын, қызыл ала сүт бидонын және өткен заманның көптеген басқа затын көре аласыз.
Панфилов көшесінің жаяу жүргіншілер аймағы да дизайн бойынша ерекшеленді. Мұнда «Қызғалдақ құшағы» инсталляция орнатылған. Мұндай безендірудің авторы - суретші Дарья Мороз.
Бастапқыда бұл жай ғана сурет болды, бірақ мен оны жандандырып, инсталляцияға айналдырғым келді. Әдеттегідей бәрін өте қысқа мерзімде жасадық, сәтті шықты, соған қуаныштымыз. Алматыға ерекше бір нәрсе жасағым келді, ал «Қызғалдақ құшағы» инсталляциясы елгезектік, достық, табиғат пен мегаполистің өзара байланысы сынды қаламыздың атмосферасын көрсетеді. Қызғалдақ – табиғаттың символы, ал жартылай шеңбер – бұл әрдайым жылулықпен және жайлылықпен, үй ошағымен байланысты киіз үй, - дейді автор.
Панфилов көшесінде Алматының пейзаждары бар үлкен алмаларды байқауға болады, ал кейбір инсталляциялар өзіндік ерекшелігімен таң қалдырды. Солардың бірі үлкен қызғылт қорапта Бибігүл есімді «Барби» инсталляция. Туындының авторына мұны оқырманы айтқан. Авторы суретші-иллюстратор Мими Ильницкая. Инсталляцияны Панфилов көшесінен қыркүйек айының соңына дейін көруге болады.
Бұл қуыршақ Қазақстанда шығарылса, қандай болатынын қиялдағым келді. Мен көшпелі қуыршақ ойлап тауып, суретімді әлеуметтік желілерде жарияладым. Бұл идея адамдарға өте ұнап, жаппай жаза бастады. Мен қазақстандық Барби өте ерекше болуы мүмкін екенін көрсету үшін басқа суреттерді сала бастадым. Соның нәтижесінде қала күніне дейін маған мәдениет басқармасының өкілдері келіп, туындымды инсталляцияға айналдыруды ұсынды, - деді автор.
Мимидің айтуынша, жаңа қуыршақтар тұрғындарды қуантып, инсталляцияға айналуы үшін қазақтың Барбиін шығару жалғасады.
Artbatfest көше өнері фестивалі аясында әйгілі суретші Сәуле Сүлейменова инсталляцияны целлофан кескіндемесі түрінде ұсынды. Автордың он екі метрлік мүсінін Абай даңғылы мен Бәйсейітова көшесінің қиылысынан көруге болады. Сәуле атап өткендей, ол поэзияны пластик пакеттен іздейді, сонымен қатар заттарды қайталама пайдалану тақырыбын көтереді. Оның туындысы қала матрицасына, мегаполис пен оның тұрғындарының өзара әрекеттесуіне бағытталған. Лермонтов атындағы драма театрына қарама-қарсы Сәкен Нарыновтың «Өмір ағашы» шығармасын көруге болады.
Қазіргі заманғы өнер қалалық ортамен өзара байланысуы керек. Фестиваль қатысушылары мегаполисті ашық аспан астындағы үлкен музейге айналдырады, оны кез келген адам тегін көре алады. Біздің жұмысымыздың қала күніне арналған мерекелік безендірудің бір бөлігі болғаны қуантады, - дейді Artbatfest фестивалінің арт-директоры Владислав Слудский.
Apple Fest фестивалінде Тұңғыш Президент саябағында көптеген тақырыптық фотоаймақ мен инсталляциялар орнатылған. Олардың ішінде алмадан жасалған қазақтың ұлттық өрнектерін атап көрсетуге болады. Ұйымдастырушылардың арқасында саябақ ұлттық дәстүрлерді бейнелейтін ерекше түрде көрінді.
Қысқа да нұсқа. Жазылыңыз telegram - ға